INSTALAZIOAK
Patio eta Espazio Egokituek Gure Ikasleen Hazkuntzan Laguntzen Dute
Zumaiako herri eskolan, gure ikasleen ongizatea eta garapena oinarri hartuta, espazioak etapa bakoitzaren beharretara egokitzen ditugu. Haur Hezkuntzatik Bigarren Hezkuntzara arte, patio eta espazio desberdinak eskaintzen ditugu, adinaren araberako joko, jarduera eta atsedenaldia bermatzeko.
Haurrek lasai jolastu eta ikaskideekin harremanak eraiki ditzaten, eskolako patioak askotariko aukerak eskaintzen ditu: natur elementuekin jolasteko txokoak, kirola eta mugimendua sustatzeko guneak, eta atseden hartzeko espazio erosoak.
Gure helburua da ikasle guztiek beren beharretara egokitutako ingurune segurua eta atsegina izatea, beren gaitasunak askatasunez garatu ditzaten.
Hezkuntza-komunitatetik sortutako proiektua
Pentsamendu eta metodo zientifikoa garatuz.
Hipotesietatik ebidentzietara.
Zumaiako Herri Eskolako Aita Mariko eraikineko parke naturalak bi gune nagusi ditu, eta material naturalekin osatuta daude biak: zura, soropila eta hondarra, besteak beste. Proiektuaren ideia 2017an sortu zen, eta gurasoek, Udalak, ikastetxeko zuzendaritzak eta irakasleek parte hartu zuten, Kimubateko talde teknikoarekin batera. Plana hezkuntza-komunitateak emandako irizpideen arabera idatzi zen, eraikuntza-lanak Kimubatek hartu zituen bere gain eta obraren zuzendaritza udal teknikarien ardurapean egon zen.
Haur Hezkuntzako Gela Berriak: Ongizatea eta Autonomia Sustatzen
Haur Hezkuntzan berritutako gelek haurren ongizatea eta mugimendu autonomoa errazteko diseinua dute. Espazio berri eta argitsuak dira, ingurune segurua eta atsegina sortzen dutenak, haurren garapen emozionala eta soziala sustatuz.
Gela bakoitzak antolaketa malgua eskaintzen du, jarduera mota desberdinak errazteko: taldekako jolasak, esperimentazio guneak, eta atseden hartzeko txoko lasaiak. Materialak eta altzariak haurrek erraz eskuratzeko moduan daude kokatuta, autonomia eta erabaki hartzea bultzatuz.
Haurrek ingurune berri honetan hazteko eta ikasteko aukera paregabea dute, beren erritmo eta interesetara egokitutako espazioan.
Sagarbideko Eraikineko Patio eta Instalazio Zabalak
Pentsamendu eta metodo zientifikoa garatuz.
Hipotesietatik ebidentzietara.
Sagarbideko eraikinean ikasleek espazio zabal eta anitzak dituzte, atsedenaldiak eta jarduerak modu askotarikoan gozatzeko. Patio irekiek natura eta mugimendua sustatzen dute, eta eremu estaliak, berriz, eguraldiak laguntzen ez duenean ere, jolas eta aisialdirako aukera ezin hobea eskaintzen dute.
Espazio zabal hauek ikasleen beharretara egokituta daude, taldean jolasteko, kirol jarduerak egiteko, edo atseden hartu nahi dutenentzat leku atsegina izateko. Gune bakoitza modu seguruan eta atseginean antolatuta dago, ikasle guztien garapena eta ongizatea bultzatzeko.
DBH-ko Gela Berriak
Kodozentzia eta ikasketa kooperatiboa ahalbidetzeko eraberritze lanak egin ditugu DBH1. mailan.
Uda honetan hormak bota ditugu, eta gelak binaka interkomunikatuta dauzkagu orain.
Horrez gain, ikaskuntza prozesuak, aniztasunaren trataera eta bizikidetza hobetzeko metodologien aplikazio ahalbideratzen duten espazio eta altzariak aukeratu ditugu.
