Aurreko astean, Kika arte irakaslearen bisita izan genuen eskolan. Urtero bezala, tailer bat ematera etorri zen. Bozetoak egiten aritu ginen, bai arkatzarekin eta baita tenperekin ere. Asko ikasteaz gain, artelan polit politak sortu genituen!
LH3. mailako ikasleok igeriketa ikastaroa amaitu dugu. Esperientzia bikaina izan da: asko ikasteaz gain, ederki pasatu dugu!
Hirugarren mailako ikasleek gure herriko adinekoen zentroak bisitatu ditugu, Zumaiaz ikasitakoa kontatzeko eta guk egindako lore bat oparitzeko. Oso harrera polita egin ziguten.
3.mailako ikasleak “Zumaia ezagutuz” ikas-egoeran murgilduta daude. Horregatik, Xabier Alberdi historialariaren bisita jaso dute. Zumaiak historian zehar izan duen garrantziaz hitz egin die, herria hobeto ezagutzen lagunduz. Argazki ugari ikusteaz gain, gauza berri asko ikasi dituzte.
2. eta 3. mailako ikasleak herriko liburutegira joan dira aste honetan. Galtzagorri elkarteko emakume batekin egon dira, eta beraien adinerako egokiak diren liburu pila ikusteko aukera izan dute, baita batzuk irakurtzeko ere.
Eskolako guraso bat etorri da 3. mailako ikasleei eskola bideak azaltzera. Ekimen honen helburu nagusia ikasleak herritik zehar modu autonomo eta seguruan mugitu ahal izatea da. Aldi berean eskolara bide seguruenetik eta modu aktiboan joatea sustatzen du: oinez, patinetez edo lagunekin batera.
