HH5: Adunara irteera
Kaixo familiak!
Hemen gatoz ikasturte amaierako irteerarekin. Adunan primeran ibili ginen! Sekulako eguraldia egin zigun eta asko gozatu genuen. Parke politak aurkitu genituen eta txorroetan oso ondo pasatu genuen!
Ondo segi!!
HH5: Oiloaren disekzioa
Oraingoan hegaztiek barrutik zer ote daukaten ikusteko, oilo baten disekzioa egin dugu eta gu bezala organoak dituztela ohartu gara. Beraien tamainaz jardun dugu eta horretarako gure gailuekin zenbait hegaztien neurriak eta pisuak aztertzen bukatu dugu. Argazki gehiago
HH5: Porru patatak egiten
2. hiruhilabeteko honetan ikasturte hasieran landatu genituen porruak baratzatik bildu, guztion artean garbitu eta kozinatu ditugu. Bukatzeko, porru patata goxo-goxoak jan ditugu!
Ea etxean eskolan bezain sukaldari finak dituzuen!
Argazki gehiago
Ixkira-Mixkira Aldizkaria!
Ixkira-Mixkira Aldizkari Digitalaren 7. alea argitaratu berri dela jakinarazi digute gaur irratsaioan.
Haur Hezkuntzako txikienetatik hasita Lehen Hezkuntzako zaharrenetarainoko ikasle eta irakasleek sortutako lanak aurki ditzakegu bertan: jolasak, bideoak, irudiak… Bakoitzak eskolan landu edo ikasi duena besteei erakusteko intentzioz eta ilusioz denok goza dezagun.
Astebete iraungo duen lehiaketa bat ere martxan dago. Aldizkarian aurki daitekeen gairen bati buruzko galdera bat dago bukaeran. Otsailaren 18a baino lehen izena eman eta galdera zuzen erantzuten duten guztien artean Mandala dendan gastatzeko 20€ko bi sari zozketatuko ditugu: bat HHko ikasleen artean eta bestea LHko ikasleen artean.
Murgildu Ixkira-Mixkiraren zurrunbiloan, saltseatu, parte hartu eta goza dezagun elkarrekin!
Euskararen eguna ederki ospatu genuen!
Egitaraua:
Iritsi da Euskararen eguna!
Zumaiako Herri Eskolan egitarau oparoa antolatu dugu euskararen eguna ospatzeko.
HAUR HEZKUNTZAN
Goizean goizetik ahobizi eta belarriprest-en bisita berezia izango dute gure txikienek. Ondoren, kantuz jarraituko dute eguna ospatzen. Arratsaldean, berriz, euskal jolasekin gozatu ondoren txokolate beroarekin emango diete amaiera egun berezi honi.
LEHEN HEZKUNTZAN
Goizez. Ondorengo gune eta ekintzak izango dituzte ikasleek euskaraz gozatzeko:
- Karaokea
- Sokasalto erraldoia
- Twister jolasa
- Batukada tailerra
- Txalaparta eta adarra jotzen ikasteko tailerra
Arratsaldez.
- Jolasak:
- Zaku lasterketa
- Sokatira
- Lokotxa lasterketa
- Euskal txapel jaurtiketa
- Gurpil lasterketa
- Txingak
- Denok batera abestuko dugu “Guk euskaraz, zuk zergatik ez…”
- Txokolatea guztiontzat Lubaki Guraso Elkarteak antolatuta
- 16:30etan eskolako ospakizunaren amaiera
