Aurreko ostegunean yidaki saioa izan zuten Batxilergo 1. mailako ikasleek. Kultura eskola programaren barruan Iban Nikolai eta Maitri Ugalde etorri ziren ikasleei “Yidakiak badu bihotzik” saioa eskeintzera. Oso interesgarria izan zen.
Hemen argazkiak
Urtero egiten dugun bezala, pasa den ostegunean Institutuko ikasleok eta irakasleok mendibueltak egin genituen. Eguraldi ederra izan genuen gainera eta oso ongi pasa genuen.
Zumaia BHIko ikaslea dugun Maria Iribarrek Azkue literatur lehiaketan bigarren saria eskuratu du. Euskaltzaindiak banatzen dituen sariak dira eta prestigio handia dute. Maria Iribarrek 14 eta 17 urte bitarteko kategorian lortu du saria “Aske” izeneko lanarengatik. Zorionak Maria!
2018tik abian dugun Txikipedia proiektua erakusten aritu gara aste honetan. Alde batetik DBH 2. mailan Txikipedia tailerra dugu eta bestetk Batxi 1. mailan “Landare itsutasuna” landu dugu txikipediarekin. Bigarren honen emaitza poster polit bat izan da eta ekainak 13 eta 15 artean erakusketa egingo dugu Zumaiako Oxford aretoan.
Astelehenean Urola Kostako hainbat eskolatatik pasatu ginen posterra oparituz eta erakusketara gonbidatuz eta asteazkenean Leioako Hezkuntza Fakultatean izan ginen “IrakasleON Garapen profesionala” azokan gure Txikipedia proiektu guztia erakusten stand batean.
Pasa den astean Porton (Portugal) Iberiar penintsulako hizkuntzetako wikilarien biltzarra egin da. Bertan Koldo Bigurik Txikipedia zer den azaldu du eta eredu bezala Zumaian DBH 2n egiten dugun “Txikipedia tailerra” eta Batxi 1ekoekin egindako “Landare itsutasuna” proiektuaren berri eman du. Oso harrera ona izan duela esan digu.
Batxilergo 1. mailako musika ikasgaian Pello Gorrotxategi irakaslearekin ikasleek urtero diskoa grabatzen dute haiek konposaturiko abestiekin. Aurten ere abesti ederrak sortu dituzte eta ostegun honetan Zarautzen izan dira grabatzen Mikel Kazalisen estudioan. Abixatuko digute noiz arituko diren diskoak saltzen.
